Start der Panoramawanderung ist Hasliberg Reuti. In stetigem auf und ab wandern wir vorerst bis zum Badsee. Nach dem Mittagessen und vielleicht auch einer Abkühlung im See geht es weiter auf dem aussichtsreichen Weg auf die Brünig Passhöhe.
Wanderzeit 4 Std. 10 km
Hasliberg - Brünig Panoramaweg
Das Glück, genau hüt isch dr schönscht Tag vor Wuche.
Nachem Startkafi ufem Haslibärg, hani mit 20 erwartigsvoue SACler dörfe loswandere.
Düre Waud uf isches üs scho z erschtmau warm worde.
Wunderschöni, farbegi Magerwiese si zum bestuune gsi, wie o paar Bärggipfle zwüsche de Wouke obem Roseloui.
Uf d Mittagszyt si mir hungerig bim schöne Badsee acho. Üses Picknick hei mir bim härzige Beizli dörfe gniesse.
D Glägeheit uf Kafi u Haslichueche hei mir üs nid la näh.
Paar Muetegi hei no chönne e Glichgwichtsüebig über d Steine im See mache.
Nachere längere Pouse si mir de witer Richtig Brünig marschiert.
Z grüene, kurve- u abwäslichsriche Stück düre Waud het e schöne Abschluss gäh.
Ufem Brünig si mir vor der Heireis no ga dr Durscht lösche.
Danke liebi Wanderkolleginne u Wanderkollege für dä gmüetlech Tag.
Öii Rosmarie Muri
Um einen Bericht zu dieser Tour verfassen zu können musst du dich einloggen. Wenn du noch kein Benutzerkonto hast, musst du dir zuerst ein Benutzerkonto anlegen.
© 2011-2024 climbIT GmbH,