Romantische Winterwanderung mit Start und Ziel in Visperterminen
Wir starten Richtung Brunnu. Weiter geht es durch den idyllischen Gärsteruwald bis zur Waldkapelle.
Beim Weiler Bodma geniessen wir die Aussicht auf das Saaser- und Mattertal.
Anschliessend kehren wir in Richtung Ried nach Visperterminen zurück.
Der Rundwanderung beträgt ca. 3 Std. / 10 km
Tärbiner Rundwanderig
Nachere schöne Fahrt iz Heidadorf, hei mir fürne Föifliber chönne Kafi inkl. Gipfeli gniesse.
Mit 19 Wanderkolleginne u Kollege hani die Tour dörfe starte. Die erschte Meter si grad stotzig obsi aber i ha chönne Entwarnig gäh.
Äs isch de schön glichmässig gstiege bis Brunnu, ä härzige Wiler mit gepflegte, brunbrönnte Hüser. Grad dr richtig Platz für e chlini Foto- u Drinkpouse.
Witer isches de bis zum Gärsteruwaud. Dert hei mir bir Brätlisteu ar Sunne ä Versterkig zu üs gno. Munter simer witer ufem zum Teil verischte Wäg miteme Bieferli früsche Schnee druf. Nachere Stung si mir i däm schöne Lärchewaud zure witere Brätlisteu cho, äs schöns Plätzli für üsi Mittagspouse.
Bim Wiler Bodma hei mir z Glück gha, dass sich z Matterhorn zeigt het. Mir hei üs gfröit, dass z Wätter isch besser gsi aus dr Wätterbricht u mir d Ussicht i d Walliserbärge hei chönne gniesse.
Mir si grad zur rächte Zyt in Vispertermine acho füre Fasnachtsumzug z luege. Dank dr rassige Guggemusig, Wy u Chäs hei mir ke Müedigkeit gspürt.
Zfriede u mit ganz viu schöne Idrück hei mir z Heidadorf ume verlah.
Danke liebi SACler, äs isch schön gsi, mit öich ungerwägs z si
Rosmarie Muri
Um einen Bericht zu dieser Tour verfassen zu können musst du dich einloggen. Wenn du noch kein Benutzerkonto hast, musst du dir zuerst ein Benutzerkonto anlegen.
© 2011-2024 climbIT GmbH,