Die spektakuläre Fahrt mit dem Bus: Lenk - Iffigenalp ist schon eine Reise wert.
Wanderstart ist auf der Iffigenalp. Nach ca. 500 m flach warmlaufen, steigt der Weg bis auf Langermatten auf 1885 m.
Der höchste Punkt der Wanderung bietet eine wunderbare Rundsicht.
Der Abstieg zu den "sibe Brünne" beträgt ca. 450 m und beansprucht unsere Konzentration.
Dieser spezielle Platz wird als Kraftort bezeichnet. Somit sollten wir die restlichen Höhenmeter hinunter zum Ziel auch noch bestens schaffen.
Wanderzeit 3.20 Std.
Iffigenalp - Langermatte - Sibe Brünne - Simmenfälle
Äs isch so schön, am Morge 14 strahlendi, erwartigsvoui Gsichter dörfe z begrüesse.
Z Wätter leischtet o grad si Bietrag. Dr schönscht Tag vor Wuche hei mir verwütscht.
Nachere schöne, spektakuläre Fahrt (mit Stopp bim Iffigfall) chöi mir z Startkafi uf dr Iffigenalp gniesse.
Da d Jeudischte wie e Familie si, chöme no 2 SACler mit zum Kafi wo privat ungerwägs si.
Mir starte gmüetlech flach aber scho gli geits obsi. Bir Alp Ritz gits e Trinkpouse für no z Schlussstück ufe höchste Punkt vom Tag chönne z bewäutige.
Bi wunderschöner Rundumsicht i viu bekannti Gipfle, mache mir üsi Mittagspouse.
Usnahmswies göh mir nachem Zmittag bim Alpbeizli Langermatte no ga äs Kafi mit Nidle, äs Chübeli Bärgglace oder grad beides ha.
Gsterkt mache mir üs ufe Abstieg. Dä isch länger aus mir üs das bi de Donnschtigwanderige gwahnet si.
Aui loufe ohne z chlage. Bi de Sibe Brünne, wo ume ohni Umwäg müglech isch, chöi mir no ga Chraft tanke für dr Schlussabstieg.
D Barbarabrügg isch no einisch äs Highlight. Äs git äs fiins Düscheli.
Bim Restaurant Simmefälle chöi mir unger grosse Böim am Schatte no dr Durscht lösche, bevor üse Bus chunnt.
O nach 350 m Ufstieg u 840 m Abstieg strahle miner Lüt geng no.
I bi mega stolz uf üser SACler!!!
Öii Rosmarie Muri
Um einen Bericht zu dieser Tour verfassen zu können musst du dich einloggen. Wenn du noch kein Benutzerkonto hast, musst du dir zuerst ein Benutzerkonto anlegen.
© 2011-2024 climbIT GmbH,